حلوة بالمعجون

هذه الحلوى من ابتكاري , في الحقيقة انا لست  موهوبة في هذا المجال لكن كنت في ظرف  اجبرني على الابتكار كان في بيتنا عامل يركب السيراميك ولازم وقت العصر نحطلو قهوة مع حلوى والدفر اللي كنت كاتبة فيه الوصفات ضاع وانا ماشي حافظة حتى وصفة واش لازم ؟؟؟؟؟ لازم نخدم عقلي  , جبت كاس بيض تقريبا ثلاث حبات , كاس معجون المشمش , كاس زبدة , وكاسين كاوكاو(فول سوداني) محمص ومقشر نص تقشير ومطحون  وكيس ونص خميرة كيميائية   خلطت الكل واضفت الفرينة(الطحين) حتى تشكلت عجينة , بعدها جبت الحلال وحليتها رقيقة وقطعتها بطابع مدور وحطيتها في الفرن بعدها قمت بلصق كل حبتين مع بعض بمعجون المشمش وزينت الاطراف بالنواتكوكو (لب جوز الهند لونو ابيض ومفتت) خرجت تهبل جربوها ما تندموش . وبالصحة والهنا عليكم