شلاضة بيطراف (سلطة شمندر)
وصفة من مدينة سيدي بلعباس وتصرفت فيها شوية
في هذي الوصفة تحتاجي زوج حبات بيطراف (شمندر)
علبة تونة معلبة بالزيت
كمشة(قبظة اليد) زيتون منزوع النواة
شوية معدنوس( بقدونس)
شوية فرماج (جبن)
طريقة التحضير
تقشري البيطراف وتقطعيه مكعبات صغيرة وتخليه يغلي في الماء حتى يتبخرمنو كل الماء (انا عادتي اذا غليت خضرة في الماء نخليها حتى تشرب كل الماء لكي تعود تسترجع مكوناتها ولا ترمى مع الماء)
في مقلات على النار تحطيالبطراف الزيتون مقطع النعدنوس مقطع علبة التونة والفرماج وتقعدي تحركي حتى تمتزج المكونات يعني تقريبا دقيقة او دقيقتين ومتحطيش زيت لان الزيت الموجود في التونة راح يكون كافي وما تحطيش ملح لان الملح الي في الزيتون والجبن را ح يكون كافي اصلا الملح اذا كان زايد راح يغلب الحلاوة اللي في البيطراف ويفسد الطعم
والان السلطة جاهزة في الاصل هذي الوصفة فيها البصل وثوم وتقدم كوجبة بصح انا ما حبيتهاش بهذي الطريقة وتصرفت فيها وحولتها سلطة
ليست هناك تعليقات:
إرسال تعليق